نسيت من يده أن أسترد يدي
طال السلام و طالت رفة الهدب
——–
السلام عليكم
واهلاً بكم مجدداً اصدقاء و متابعين مدونة اروى اللطيفات..
.
.
سبق وان نزلت مقالين في هذي المدونة الجميلة .. وعجبتني السالفة 
.
.
حقيقةً.. شعور تدوين موضوع وأرشفة احد اعمالك حاجة رائعة للكاتب والقراء..
والشعور الأجمل لما تعرفين انك تفيدين غيرك ولو بشي بسيط مثل فكرة
في الاخير كل شي يبدا بفكرة
.
.
مقالي الاول للي حاب يطلع عليه تجدونه
هنا
.
والمقال الثاني
هنا
.
.
.
———
بالنسبة لمقالي هذي المرة
هو عبارة عن طريقة جديدة للتفكير بأبسط الادوات اللي عندنا بالمنزل
وصنع ركن جميل ممكن يكون معلم من معالم منازلكم الرقيقة …
.
.
كان عندي اوراق ملونة حقت المدارس
اللي يستخدمونها الاطفال للقص واللصق..
وجات في بالي فكرة اني اعمل منها خلفية للحيز الخاص بطاولة الطعام في البيت وبنفس الوقت ركن استقبال في حال زيارة ضيوف..
.
.
اليكم تفاصيل العمل بالصور ..
استعملت ورق ملون A4 حق الاعمال الفنية الخاص بالاطفال
واخترت منه ٣ الوان ( وردي – بيج – ابيض)
ممكن تختارون الالوان اللي انتوا حابينها
انا اخترت هالالوان عشان حابة تكون رايقة وتمشي مع الوان الصالة
.
.
بعد كذا مسكت ورقة وحدة وعفطتها فوق تحت باتجاه طول الورقة zigzag .. بهالشكل
.
.
بعدها نسفط الورقة نفسها من النص
ونثبت الطرفين الداخليين ببعض
ثبت الطرفين بدباسة صغيرة
.
.
نكرر نفس الخطوات ونسوي ثلاث اوراق نفس الشي
وبعد كذا نثبت الثلاث الاوراق ببعض عشان نحصل شكل دائري كامل
.
.
.
.
هنا اكون حصلت على وحدة اقدر اقيس عليها باقي الوحدات..
عملت نفس المقاس اثنين وردي
اثنين بيج
ووحدة بيضاء..
.
.
طبعاً هالشي سويته بناءً على تصميم رسمته قبل
في التصميم عملت الشكل اللي في بالي ع الورق مع تحديد مواقع واحجام والوان كل دائرة
خليني اقولكم ،، الحجم الوسط هو اللي اشتغلت عليه
الدائرة الكبيرة كانت عبارة عن نفس الاوراق بدون ما اسفطها من النص ومجموعهم ٦
الاحجام الاصغر ،، قصيت ورقة A4 بالنص واشتغلت بنفس التكنيك
والحجم الاصغر منه نص النص
..
المهم ان الخطوات كانت نفسها لكن باختلاف الاحجام…
.
.
نجي للشكل النهائي
.
.
.
.
.
.
.
.
.
.
لو تلاحظون .. اضفت دائرة صغيرة بوسط كل وحدة عشان تغطي مركز الدائرة..
وحاولت اخليها تكون مختلفة بالالوان عشان تعطي تباين اكثر ..
المهم ،، الخلفية كانت جداً رائعة
وعطت جوّ جميل في الشقة ..
سويتها خلفية لطاولة حفلات،، عشان كانت عندي مناسبة ،،
ممكن تكون لطاولة استقبال
استقبال مواليد
عيد
ممكن ديكور مثل ما سويتها عشان حيز طاولة الطعام
او خلفية سرير النوم او التلفزيون
ممكن تكون خلفية تصوير بعد
.
.
مثل كذا
شكلها خلفية تصوير جداً راقي..
.
.
ومثل ما اعرف ابداعاتكم تفوق الوصف
وتفكيركم دائماً خيالي..
فتقدرون تشتغلون بطريقة ثانية ومبدعة اكثر واكثر ..
.
بعض الافكار اللطيفة من بنترست لنفس الموضوع
وشكراً لكم ….
—
تابعوني ع الانستقرام
هنا
المصدر : http://arwa.cc/8504
تعبيراتتعبيرات