السلام عليكم ورحمة الله , مرحباً بكم صديقات اروى واروى اللطيفه 
بدايةً تخرجت من المرحله الثانويه ولله الحمد .. وفي خاطري اسوي لي حفله ويكون الثيم من اختياري
والاشياء من عملي .. لكني من النوع اللي اشيل هم اذا عزمت مجموعه كبيره
وما انبسط مع الاسف وماحب طبعاً هالشي فيني ☹
وبعد تفكير قررت اسوي حفله لكن بسيطه 
واعتمدت ثيم الفلامينجو اللطيف بما اننا في الصيف بس دخل معه ثيم ريفي شوي مادري كيف لكن مشى الحال
كنت حابه ان الحفله تكون خارجيه في الهواء الطلق فالمكان كان في بيت جدي بما ان فيه استراحه كبيره وطبعاً فيه ملطفات للجو ..
رشاشات الرذاذ ومكيف خارجي ولا كان كنسلت الفكره 
الضيوف كانو تقريباً 20 وحده, حلو العدد وماكان فيه رسميه بين البنات
فما اشيل هم ان احد جالس بلحاله وهذا اللي انا اشيل همه بصراحه , في البدايه مخي كان متشوش فحاولت ارسم رسمه بسيطه توضح اللي ببالي ..
ماكانت نفسها بالضبط لكن رتبت افكاري 
وببدا معاكم الحين في طاولة السناك وخلفيتها :
اول شي اقتبست هالفكره من احدى الصديقات المدونات في مدونة اروى و هذا رابط التدوينه :
هنا
والفكره كانت عباره عن ستاند ملابس او علاقة عبايات لفيت عليها
- اوراق شجر تقريبا 4 متر
- وورد طوله متر واحد وحاولت ادور ورد ينفع لثيم الفلامينجو
-وعقد لمبات متدلي طويل ركبناه على الستاند من الخلف
-وعلقت هذه الفازات الشفافه وحطيت داخلهم شموع
وكل هذه الاشياء تلقونهم بمحلات الكماليات .
وهذي صوره اوضح للفازات الزجاجيه دورت بقوقل لاني ما صورتها من قريب ,
ثاني فكره , ستاند الكيكه دورت ستاند يكون كأنه مرجيحه ولقيته الحمدلله برضو بمحلات الكماليات سعره كان ب40
لكن كان ساده وزينته باغصان ورق صغيره متدليه وبعض الورود
والكيكه حبيت تكون ساده دام الستاند مزدحم قليلا فطلبت من بنت خالتي المبدعه تسوي لي
كيكه بسيطه بلون وردي متدرج وغرست عليها فلامينجو ركبت له قبعة تخرج 
تبهذلت المسكينه في هالكيكه ولا طلعت زي ماتبغى بس انا راضيه بالنتيجه واعجبتني 
وهذي صورة الفلامينجو الخريج للي يحتاجها 
وسويت برضو تغريسات للاكل .. اناناس وفلامينجو و ورق شجر
اخترت ورق قليتر حسيته بيطلع اجمل , رسمت عالورق وقصيتهم وصمغتهم على اعواد خشب
وركن التصوير طبعت له اختصاراً للوقت اعواد التصوير (props )
وبطنتهم بكرتون عشان ماتتعفط وهذي اشكالهم :
وسويت ايطار للتصوير photo frame 
اول شي جبت كرتون كبير قليلا ما عشان يكون يكفي شخصين يصورون مع بعض
وقصيت اكبر جهه فيه ,
بعدها رسمت عليه بالرصاص مربع على اساس يكون نفس شكل صور كاميرة فوجي
ولو تلاحظون الجزء السفلي اكبر من العلوي بشوي
بعدها قصيت الكرتون بمشرط وفرغته وصمغت في الزوايا اوراق شجر وورود
ورسمت فلامينجو و قصيته عشان اعلقه في الزاويه
وكتبنا من تحت sara’s party 
وهذه بطاقة الدعوه وعلمتهم عن التاريخ والمكان :
ونبدأ الآن بصور الحفله كامله ✨
زي ماتشوفون القوارير الي فيها حليب كنت مجهزه ايس كوفي بقوارير زجاجيه
وسويته للضيوف يوم جو يحطون لهم من السناك .. كان مضيف جو جداً جميل
وكنت مستمتعه وانا اسويلهم
انصحكم تسوونه حسيته شي جديد وغير معتاد
طريقته جداً سهله ومعروفه
فنجان سكر / فنجان ماء / فنجان نسكافيه
يخلط او يرج حتى تصير له رغوه ويوضع في كوب التقديم اقل من الربع
ويصب فوقه الحليب والثلج والسيروب او صوص الكراميل ✨
وهذا شكل ال ice coffee 
الصوره اليمين من يوم آخر لكن بأمكانكم تضيفون كورن فليكس على الكوفي 
وجبنا ستاره بيضا (BLACKOUT ) وعلقناها على احد الجدران بحيث تكون هي خلفية التصوير
وزي ماتشوفون في الصوره جبت فازا حطيت داخلها اوراق شجر والفكره منها انهم يكتبون لي
فيها بقلم CHALK BOARD ابيض عشان يبين عالورق .. وتتعلق على الجدار بمشابيك
وتكون ذكرى حلوه احتفظ فيها .. لكن مع الاسف الحدث الغير متوقع صار ونسيت اقولهم يكتبون لي 
للاسف اني نسيت اصوره صوره واضحه ومن بعيد .. مالقيت الا هذه مصوره من مقطع ,
حطيت على الطاوله صندوق خشب وقفته , وحطيت داخله اناناس مفرغ وغرست فيه ورد
وتقدرون تستخدمون صناديق الليمون او الخضار كستاند زي ما انا استخدمتهم
وهذا ركن الهدايا 
:
وزي ماتشوفون جبت اوراق شجر ولصقت عليهم ورود وعلقتهم على خيط خيش عالعربه
رسمت هالرسمه عالسبوره لكن الله يسامح الي مسح رقبة الفلامينجو 
..
وزي ماتشوفون طلبت فلتر سناب تشات مرره جميل
ومن هذا المنبر احب اشكر هالعربه المخلصه اللي ساندتنا في كل احتفالاتنا
فعلاً من اكثر الاشياء المنقذه ومن اكثر الاشياء اللي حللناها ..
وهذه صوره لها في العيد كنا حاطين عليها عيدياتنا ✨
وهذه الصوره النهائيه ..
شكرا لجميع من ساعدني لولاكم كان ماقدرت اسوي شي شكرا امي وبنات خالاتي
من القللب
واتمنى انكم استمتعتم واستفدتم زي ما استمتعت وانا اكتب هذه التدوينه ..
شكراً جزيلا اروى لاتاحة هذه الفرصه لنا
حسابي على الانستقرام :
@saraalshay3
قناتنا على اليوتيوب 
وبينزل مقطع للحفله قريباً ان شاءالله :
the delight in white 
المصدر : http://arwa.cc/8698
تعبيراتتعبيرات