أهلا أصدقاء أروى و أصدقاء المدونة 
أنا هند
شخصية بسيطه ممتنة للحياة الجميلة و للشجر و العصافير 
اليوم رح أحكي لكم عن مدفأتي الحنونه اللي صممتها بنفسي
أتمنى يعجبكم الموضوع و يكون خفيف عليكم
مبدئيًا أنا أعشق الإحتفال بفصول السنة 
ضروري مع دخول فصل جديد أغير ديكور بيتي بلمسات بسيطه تناسب هذا الفصل
أعتقد إن من أهم أسباب السعادة النفسية هي الإهتمام بالتفاصيل البسيطه اللي إحنا نغفل عنها
نرجع لموضوعنا المدفأة
من أنا طفلة كنت أتمنى يكون عندي جلسة دافيه فيها مدفأة..
لكن للأسف سكنت في شقة شبه مستحيل إني أصمم فيها مدفأه أو أوصل مدخنه للخارج..
فانتقلت للخطه الثانية و هي إني أصمم مدفأة كديكور مو بالضرورة تكون نار حقيقية..ممكن تستبدل بالشموع مثلاً
بحثت فالبنترست عن تصاميم الفيربليس و إخترت التصميم اللي أبغاه و أعطيته نجار يسويه لي من الخشب و يدهنة باللون الرمادي علشان يكون متناسق مع صالتي
طبعاً لما طلبت من النجار يسويها لي أكدت عليه يكون سقف المدفأة عالي شوي مقارنة بحجم الشموع
و زي ما تشوفون حطيت داخلها الشموع و أحجار للزينه
لكن حسيت إنها ناقصة شيء علشان تكون أكثر واقعية من كونها مجرد خشبه
و حسيت إنها لو تعبت بأغصان الأشجار و الحطب رح تكون أجمل…
جمعت أغصان أشجار و لونتها بالبني المخفف علشان تكون حقيقة أكثر
و بعدين نسقتها بشكل عشوائي داخل المدفأة
و بكذا صارت مدفأتي الجميلة جاهزه حبيتها جداً و كانت من أجمل الإضافات لجلستي العائلية الجميلة
أتمنى أعجبتكم التدوينة و حبيتوها
الحين رح انزل لكم بعض الصور من تصويري لها و برضو بعض الأفكار من البنترست علشان تأخذون منها تصاميم
دُمتم بحُب
المصدر : http://arwa.cc/9861
تعبيراتتعبيرات