السلام عليكم ورحمة الله
اهلا جميعاً 
اتمنى انكم بخيير
واتمنى مانسيتوني هههه 
كان لي تدوينتين بمدونة اروى الجميله 
نخش بالتعديل الجديد اللي سويته
بما ان عفشي واجد 
رحت لايكيا على اساس اشوف دواليب مكتبيه تلم العفش واسعارها مناسبه
بس قبلها بيومين بحثت بموقعم ونفضته نفض 
حصلت كم رفوف حلوه وصورتهم بجوالي على اساس اشوفهم على الطبيعه
الفكره كانت اني اخذ اثنين من دولاب الرفوف عشان مستقبلا اتحكم بأماكنهم ومايقيدني حجمها
لما رحت لايكيا فريته على السريع قلت يمكن فيه شيء ماشفته
وفعلا حصلت شيء ماشفته
بقسم المطابخ كنت ماره مرور الكرام بس لفت نظري 
وقلت لو اغير لونه 🤔
خصوصا سعره رخيص فيحمس احوس فيه ومااخاف
( الصورتين من موقع ايكيا)
سعره ب59 
واخذت اثنين
اللي كنت راح اخذهم اسعارهم تقريباً في الألف فالفرق كان مغررري صراحه 
صفيتهم على جرايد 
القلفز الثقيل مهم
لان البخاخ را يوسخ اليد وصعب تنضيفه (من تجربه )
غير كذا اللون يبرررد الاصابع ويعطيك شعور مزعج وماتتحملينه
فالقلفز حل مريح
وضروري نبخ المسامير 
الدولاب الاول نسيت ابخ مساميره ماتذكرت الا لما ركبته
وبس الشكل النهائي
الرف الاول اشياء ديكوريه + مجلات الديكور .. الحمدلله حصلتلهم مكان 
الثاني خليته لكتبي اليوميه كحل سريع ومنظم بدال ماارجعهم بالمكتبه او اخليهم على الطاوله كالعاده فتسبب زحمه
والباقي اداوت اعمالي اليدويه
الرف المفضل 
تشوفون المسامير! مبين اختلاف اللون
هذا بالنسبه لوحدة الرفوف الاولى
الثانيه
حطيت فيهم فواحاتي وشموعي
البوكسات تحت حطيت فيهم الاوراق الملونه والكراسات والاستنسل ..الخ الاشياء اللي مالها مكان
والبوكس القماشي حطيت فيه السناكس 
والباقي لسى
بين الاثنين حطيت كنبتي وطاولتي .. حاولت استغل حجم الغرفه
.
.
البخاخات اللي استخدمتهم
اللي على اليسار بخيت فيه الرفوف الاولى على القد بالتمام وخلص
رحت لجرير ماحصلته مخلص عندهم
وخذيت اللي على اليمين صراحه كنت متوقعه بيصير بينهم فرق كبير بس قلت خربانه خربانه ههه
بس الحمدلله صارت الوانهم متقاربه جدا
وكل اللي دخلوا غرفتي مالاحظوا الفرق نهائياً
( ويصير تحتاجون على كل وحدة رفوف بخاخ كامل )
وبس يارب موضوعي كان واضح وخفيف
شكرا لوصولكم الى هنا 
.
سنابي + انستقرامي :
المصدر : http://arwa.cc/6884
تعبيراتتعبيرات